Loading...-
A go bakiwe phuthegong
Rara wa boitshwareIo,
Modimo o ‘ legodimong,
o ‘ re fileng bophelo!
Ke ona o ‘ re nametsang,
ke ona o ‘ re fenyisang.
Nayang Modimo tlotlo! -
O bakwa mo baengeleng,
ke Kgosi ya dikgosi.
Le botlhe ba ba lefatsheng
a ba o bake osi,
Modimo o o re fileng
masego otlhe a a teng.
Nayang Modimo tlotlo! -
Tse Rara o di tlhodileng
o tla di tlhokomela,
o di femela mo direng,
o be o di tlamela.
Pusong ya gagwe lefatsheng
re bona tshiamiso teng.
Nayang Modimo tlotlo! -
Ke o biditse tatlhegong:
“Morena, se ntlogele!”
Ke bonye thuso tlalelong,
kgomotso ga e fele.
Ke ka ntlha M’a moo ke lebogang
Modimo o o re ratang.
Nayang Modimo tlotlo! -
Modimo o o sa khutleng
ga o re hularele;
ke botshabelo mo direng,
poloko rea e newa.
Fa re tshwenyega botshelong,
o re gogela kagisong.
Nayang Modimo tlotlo! -
Jaanong le ka bosakhutleng
ke tla o baka thata.
Ke tla o tlotla difeleng
metlheng e ya go phela.
Le wena o nne tumelong,
o duduetse phuthegong!
Nayang Modimo tlotlo! -
Mme ba lo itseng Jesu Mong,
nayang Modimo tlotlo!
Ka lo dumela Modimong,
nayang Modimo tlotlo!
Medimo yotlhe e latlheng,
lo e fapoge lonyatsong.
Nayang Modimo tlotlo!
A go bakiwe phuthegong
