Lekunutung le Morena

8.8.8.8.D.

1. Lekunutung le Morena,
O, homonate hakaakang!
Ke buisana le eena,
Kamoo pelong ke ikutloang.
Ke 'molelle litsietsi
Tse nkhathatsang tsa lefatše,
Ke role tsohle tse ho 'na,
Lekunutung le Morena.

2. Lekunutung le Morena
Ke fumane setšabelo.
Ke phemela teng mamena,
Liqhafutso le meleko.
Leha sera se bohale,
Se ntlohela, se balehe,
Ha se nkoela, se mphumana
Lekunutung le Morena.

3. Lekunutung le Morena.
Ho 'na ke lehlohonolo;
Ha ke bua, oa mamela,
O nkaraba ka lerato.
Ha ke 'matla sefahleho,
Ka pelong ho tlala thabo;
Ke monyaka, ha ke kena
Lekunutung le Morena

4. Lekunutung le Morena,
Hoja nka bat eng ka mehla,
Ka mamela, ka mo boha,
Ka utloa ke khatholoha!
Ke khora khotso ea 'nete,
Ha ke buisoa ke Ntate,
Ke ntse ke lumelloa le 'na
Lekunutung le Morena