Loading...
1. Utloa, moratoa oa Morena,
O bua le uena:
O kae eo ke tla mo roma?
E-re: U rome 'na
Ke lena lefatše lohle,
Le ahlamile;
U ka ea kae le kae,
Ho nts'o tletse baetsalibe.
U ba utloele bohloko,
Ke ba seng ba ea timela
U e'o ba bolella Jesu
Ea pholosang batho;
Ba fele ba bolokehe
Ka ho sa feleng!
2. U boletse he, u mohlanka,
Oa u roma joale;
Kereke ea hae ea u roma,
Hammoho le eena.
Ke lena, …
3. Tsamaaea, ngosa la Morena,
Ea moo a u romang;
U se hlole u reteleha,
Hloka se u sitang.
Ke lena, …
4. Fatše la heno u le tele,
Le baa u ba ratang;
Moo u eang, u tla b'u fihlele
Bana beno ba bang.
Ke lena, …
5. Tsatsi la hae mohla le fihlang
Jesu a u boke:
U tlisitse ba bang leseling,
U bile khabane.
Ke lena, …