O Molimo oa ka

13.12.13.12.

1. O Molimo oa ka, Molimo oa topollo!
Ke re ho lefatše le ho leholimo:
E ke e be paki tsa ho leboha ha ka,
Ka moo hlohonolo le mphihletseng kateng.

2. Ke lehlohonolo ha ke utloa le itseng:
Seli a le be teng! 'me seli la hlaha;
Lentsoe le tlang ho 'na, le nthutang, le ntšelisang,
Le reng: Moo ke tsela, tsela ea poloko.

3. Ke lehlohonolo ha ke hua le uena,
Ke u ntšetsa poko le thapelo ea ka,
Ka hlompho ea ngoana ea tšepileng ntat'ae
Le ka thothomelo ea moetsalibe.

4. Ke lehlohonolo tsatsing la hao, Morena,
Le tsoileng phomolo le ho tsoha bafung,
Tsatsi le mpiletsang nqalong ea bokhetheho,
Ho fola phokolo le ho boea matla.

5. Ke lehlohonolo mohla thupa e ntaeang,
E tla ka lerato, k'e nka ka lerato.
Ha ke belaele, letsoho ke la Ntate;
Tlas'a sefapano kea lla, kea tšelisoa.

6. Ke lehlohonolo ha Satane a nqala,
Ke loa sefapanong, ke shea Konyana;
Ke hlola mangoleng, 'me ke tsoa toanong eo,
Ke tsoa ke maqeba, empa ke ea hlotseng.

7. Ke lehlohonolo: Molim'oa ka ke Ntate,
Jesu ke ngoan'eso, 'monesi ke Moea;
Fatše le ka 'nea'ng? Hele li ka nkamoha'ng?
Ke na le Molimo o bokoang hararo!