Tsohang, emelang Jesu

7.6.7.6.D.

1. Tsohang, emelang Jesu,
Raohang kapele;
Eang ka mafolo-folo,
Le memiloe bohle.
Mokhosi o ntse o lla,
Se keng la lieha;
Phallang, le e'o hlomela,
Ba bang ba le siea.

2. Tsohang, emelang Jesu,
Aparang lihlomo;
Ka shamatla ea 'nete.
Ikhahleng matheka!
Evangeli ea khotso
E roaleng maotong;
Nkang thebe ea tumelo,
Le poloko hlohong!

3. Tsohang, emelang Jesu,
Aparang ho loka,
Ho phatsime lifubeng,
Ho fahle le lira.
Le letsohong le tšoare
Lerumo la Moea.
Le hlomeletsoe ruri:
Phallang, le e'o loana!

4. Tsohang, emelang Jesu;
Lesang ho itšepa;
Bonatla bo boholo
Ke phokolo fela.
Talimang ho Morena,
Hlobohang bokoala;
Ikhothatseng ka eena,
Le loane ka matla.

5. Ha le emetse Jesu,
Lintoa li felile,
Le le maphuphuthela
A mali, lerole;
'Me le tla tsokolisoa
Ke eena Monghali;
O roka ba kang lona
Ba le mehoabali.

6. E, mohlang oo ke Jesu
Ea tla le emela;
A le ise Moreneng,
Tulong tse hlomphehang.
Le bahale ba tsoang ntoeng,
Le tsejoa ke hona.
Busang ka ho sa feleng
Le eena Morena!