Tsogang lo lebogeng

Tsogang lo lebogeng
ka ‘pelo le diatla
Modimo o ‘ dirang
ditiro tsa bonatla,
tse re di diretsweng
ke one lefatsheng,
metlheng e ‘ fetileng
le yona e ‘ leng teng.

Modimo, o o leng
Mohumi wa bophelo,
re nee mo lefatsheng
kagiso le ipelo;
tlhomamo tumelong
go ya le kwa losong;
o re ntshe ‘tlalelong
tse tsotlhe botshelong.

Ka moo a re bakeng
Modimo wa mannete,
o o itshenotseng
Rara, Morwa le Mowa.
Ke o o phedileng
metlheng e ‘ fetileng;
mme o ntse o le teng
le ka bosakhutleng.