Tsoga wena mowa wa ka

Tsoga, wena mowa wa ka,
tsena kwa legodimong!
Baka yo e leng Morena,
yo o leng kgalalelong!
Tsoga, mowa, o opele,
o nne o di lebogele
tse dintsintsi botshelong
tse a di go diretseng.

Rara, tshegofatso ya ‘go
e fetela mo bathong.
O nthusitse ka ditsaago,
wa nkgomotsa mo pelong.
Le fa ke ne ke tlaletswe,
o ne o ntse o na le nna.
A go bakwe phuthegong
Rara yo ‘ ikanyegang.

Jesu Krisete, Morena,
oM inneeletse mo losong.
BoMitshwarelo ke bo bonye
mo go wena tumelong.
Pelo ya me ke boago,
bonno le Tempele ya ‘go.
A go bakwe phuthegong
Jesu yo ‘ re golotseng!

Mowa o o Boitshepo,
‘neo tse o di nnayang
di gaisa dilo tsotlhe;
o re tsenya leseding
la go itse Jesu sentle,
ka go bitsa “Abba, Rara”.
A go bakwe phuthegong
Mowa o o tshedisang.

A batshedi ba ba gone
‘godimong le lefatsheng
ba opelle Mong wa bone
‘pako tse di tshwanetseng.
A ba boke, a ba tlotle,
ba direle ene gotlhe.
A go bakwe phuthegong
Mmusi yo o tlotlegang!