Tlaang lotlhe a re direleng

Tlaang lotlhe, a re direleng
Morena, Mmusi lefatsheng;
itumeleng, duduetsang,
tlaang lotlhe kwano, phuthegang!

Modimo lo o lemogeng,
ke ona o ‘ re bopetseng
go nna ba ona bophelong,
re itshwaretswe mo Jesung.

Ke o o sa re lebaleng,
ke ona o ‘ re fudisang;
re dinku tse o di disang,
o re fudisa Lefokong.

Mme lona ba lo o ratang,
tsenang ka pako mo kerkeng;
difela lo di opeleng
ka ‘pelo tse di lebogang.

Modimo lo o lebogeng,
lo o tumise kopelong;
tlaang lotlhe, lo o opelleng,
ke sona se se tshwanetseng.

Ke ona o o sa lapeng
go rata batho mo pelong;
o re phedisa lefatsheng,
le gona ka bosakhutleng.

Modimo ke o ‘ tlhomameng
ka gale boitshwarelong;
ke ona o ‘ sa fetogeng,
o nnela ruri bonneteng.

Modimo Rara ‘godimong
le Morwaa-ona loratong
le Mowa o ‘ itshepisang
ka gale lo o tumiseng.