Loading...
Potsiso ya 127:
Thapelo ya boselela e reng?
Karabo:
O se re ise molekong, eupsa o re pholose bobeng ke gore: Ka ge manaba a rena (e lego diabolo, lefase le yona nama ya rena) a re hlorisa ka mehla, re kgopela gore o re tiise ka maatla a MoyaMokgethwa, gore re se ke ra hwa mo ntweng ya moya, eupsa, re fenye manaba a rena go fihlela mafelelong ge re fenya ka go sa felego.
Ditemana tsa Beibele:1 Petro 5:8
Joe 15:18-21, Bagalatia 5:17,
1 Bakorint 10:13 Bathess 5:23
Potsiso ya 128:
O tswalela bjang thapelo ya gago?
Karabo:
Gobane mmuso ke wa gago le maatla le tumiso ka go sa felego. Ke gore: Ntate, re kgopela tsohle tse go wena, ka gobane o na le lerato le bokgoni bja go re fa tsona. Gape go tumiswe leina la gago mehleng ya neng le neng.
Ditemana tsa Beibele:
Psalme 115:1
Potsiso ya 129:
Lentswana la ‘amene’ le reng?
Karabo:
Amene ke gore:
Ke na le nnete, gomme ga ke belaele, gore thapelo ye e kwelwe ke Modimo.
Ditemana tsa Beibele:
2 Timotheo 2:13,
2 Bakorinthe 1;20