Loading...
Potsiso ya 75:
Selalelo se sekgethwa se bontsha le go tiisa bjang gore re na le kopano go sehlabelo sa Morena Jesu selapanong?
Karabo:
Morena Jesu Kriste o re laetse gore re mo gopole ka go ja senkgwa le go nwela senwelong sa beine. A ba a tshepisa gore mmele wa gagwe o ntlhabetswe mo sefapanong le madi a gagwe e ntshologetswe bjalo ka ge ke bona ka mahlo gore ke fiwa senkgwa le senwelo. Go swana le ge mohlanka a mpha senkgwa le beine.
Morena Jesu o tla fepa moya wa ka ka mmele wa gagwe le madi a gagwe go isa bophelong bjo bo sa feleng.
Ditemana tsa Beibele:
Mat 26:26-28
Potsiso ya 76,77:
Go ja mmele wa Kriste wo o robilwego le go nwa madi a gagwe a a tsholotswego, ke go reng?
Karabo:
Sa mathomo ke go dumela gore ditlaisego tsohle tsa Kriste le lehu la gagwe di mpha tshwarelo
ya dibe le bophelo bjo ba sa felego. Sa bobedi Moya o Mokgethwa yo a agilego mo go Kriste le mo go rena, o re kopanya le Morena Jesu Kriste.
Ditemana tsa Beibele:
Johane 1:29; johane 6:55,56
Potsiso ya 78-80:
A senkgwa se fetoga mmele wa Kriste le beine madi a gagwe ka sebele naa?
Karabo:
Aowa, go swana le ge metse a kolobetso a sa fetoge madi a Kriste, senkgwa sa selalelo ga se fetoge mmele wa gagwe.
Ditemana tsa Beibele:
1 Bakorinthe 10:16