Loading...
7.7.7.7.
1. O, u motle hakaakang,
Khanyeng ea leholimo,
Har'a ba halalelang,
Monghali ea molemo!
2. Thoko tsee ba li binang
Li ntlhomolisa pelo;
Ba re: Ea halalelang
Ke uena, uena, Jesu.
3. Ba lihlong le tšabo ke'ng,
Ha e le bakhethehi?
Ba ikhurumetsa ke'ng
Pel'a Jesu 'Moloki?
4. Ha thoko tsa Morena
Li le thata hakale,
Na li ke ke tsa nthona,
Tsa ntšita, 'na, molibe?
5. Leha ke le lefela,
Jesu, monghali oa me,
Kena lula ka ho 'na;
Kea kopa, u se nkhese!
6. Ntlhatsoe pelo, mphekole;
Khofa bobe, lefifi!
Le 'na ke be tempele,
Ntlo ea hao e leseli.
7. Jesu, u lule ka teng,
Mpuse pelo le 'mele;
Hloeko u e apereng,
E khabise kahohle!