Loading...
1. O, baeti ba hlahlathang,
Le re le mahlo a matšo,
Le khathetse: khatholohang,
Sebaka ke sa kajeno!
2. Koelang meroalo ea lona,
Le hlakole likeleli;
Hlohlorang role la tsela,
Tlong, le phomole, baeti!
3. Le hloahloaetse lefeelleng,
Lenyora le le khamile;
Le se le fihlile Elim,
Tlong meriting, le phomole!
4. Leha le fumanehile,
Le se na le lethonyana,
Tlong hle, lebese le veine
Le beetsoe tsona fela!
5. I khutseng, moo ke monateng;
Ho bohobe ba bophelo,
Ho le metsi a pholileng;
Tlong, le khore ka tumelo!
6. Ha le thoha ngalong ena,
Le thohe le matlafetse;
Le fepiloe ke Morena,
Pelo li tšoeu, li khotše.