Ngaka ya lefu la dibe

1. Ngaka ya lefu la dibe,
Ke tlile setlhareng;
Khale ke tshwenyeha hobe
Ke pabo e ntshwereng.

2. Lemoha tsietsie e ho 'na
Le kamoo ke jewang;
Lefu lena, ha o bona,
Ke tla le hlola jwang?

3. Ha le ntje setho se le seng,
Le nqetile 'mele,
Le ntshimolotse boseeng
U nkoke, ke phele.

4. Le nkentse bohole mahlong,
Molomong, ditsebeng;
Le ntlatsa tshoho le dihlong,
Le nkisa diheleng.

5. Ngaka ya lefu la dibe,
Na o ka re ke shwe?
Khale ke tshwenyeha hobe;
Lefu leo a le tswe!