Loading...-
Morwa-mmotlana, ao bonang,
o na a senya thata jang!
A latlha rraagwe boikgantshong,
a ineelela boleong. -
A senya boswa ditšhabeng,
mme foo a tsena lehumeng;
mme ya re a le tatlhegong,
a bua jaana mo pelong: -
Ke latlhegile! Ke yo ‘ swang
ka tlala e e tshabegang!
Etswe batlhanka legaeng
ba na le dijo ‘ dintsi teng. -
Ke tla boela kwa rareng,
mme ke mo wela mangoleng;
ke tla inyatsa mo pelong,
ka ke le yo ‘ ikepileng. -
Ke tla re: Ntate yo ‘ nthatang,
ke fano, yo ‘ go tlogetseng,
mme ke tlhabiwa ke ditlhong.
A ke nne batlhankeng lapeng. -
Jaanong a boa leetong,
a hutsafetse mo pelong.
Mme rraagwe yo ‘ sa lebaleng
a mo kgatlhantsha mo tseleng: -
Mme ngwana a boIela teng,
fa a le yo ‘ sa tshwanelang;
mme rraagwe a nna boipelong,
aitshwarela yo o llang. -
A atla yo ‘ ikwatlhayang,
a ba a tlhaba e ‘ nonneng;
a mo apesa mo mmeleng
diMaparo tse di tshwanetseng. -
A baM a re: A re ipeleng!
Morwaake yo ‘ gorogileng,
ke yo o neng a le losong,
mme o boetse bophelong! -
Rraarona ga se yo ‘ latlhang
bomorwa ba ba timetseng;
fa ba tla ba le maketeng,
a ba busetse bongwaneng!
Morwa-mmotlana ao bonang
