Loading...
1. Mekete ea lefatše
Kea e baleha;
Khale ke e thabetse,
Joale kea e tela;
Ke kholoa ke Jesu,
Ke mo neile pelo,
Ho mo ananela. (bis)
2. Ke tsoaletsoe lefifing,
Hole le Molimo;
Esale k'e-shoa libeng
Ke hloka bophelo;
empa Mor'a motho
O nchoetse melato,
Ke bone tšoarelo. (bis)
3. A tloha leholimong
Ho mpatla lefatšeng;
O shoele sefapanong
Ho ntopolla libeng;
Teng a etsoa tefo,
'Na ka etsoa mofo,
Ke moo a nthuileng. (bis)
4. Le kajeno oa nthata
Ka rato la mehla;
Moea oa hae oa nthuta,
Ke sa ipha matla,
Ke rorise Jesu
Ea ntlholetseng lefu,
Satane, Lebitla. (bis)