Loading...
1. Le chabile, le chabile
Letsatsi le letle;
Ke letsatsi la phomolo,
La khotso, le monate hakaakang,
Tsatsi lena le ratehang!
Thabang bohle; le chabile
Letsatsi le letse.
Le chabile, le chabile
Letsatsi le letle;
Ke letsatsi la phomolo,
La khotso, la thabo.
2. Le chabile, le chabile
Letsatsi le letle:
Le hlakole mofufutso,
Le lule ka khotso.
Le lebale tsa lefatše,
Pelaelo, litsietsi.
Le ikhutseng, le thabele
Letsatsi le letle.
Le chabile, le chabile, …
3. Le chabile, le chabile
Letsatsi le letle:
Itokiseng ka monyaka
Ho ea ho Morena;
Ho mo fapha ka lithoko,
Ntat'a lona ea lerato.
Le se tsoafe, le chabile
Letsatsi le letle
Le chabile, le chabile, …
4. Le chabile, le chabile
Letsatsi le letle:
E, re tla lula kajeno
Maotong a Jesu
Ntate, buisa ngoan'a hao,
Ka tsa mosa, tsa mohau.
O, mong'a ka, se ntebale
Ka tsatsi le letle.
Le chabile, le chabile, …
5. Le leng le teng le kapele,
Letsatsi le letle,
La phomolo e sa feleng.
La khotso e tletseng.
Ho ea kang 'na, ea khathalang,
Na nyakallo e tla ba joang,
Ha ke bona ho chabile
Letsatsi le letle!
Le chabile, le chabile, …