Ke na le Molisa

1 Ke na le molisa, – Ke tla be ke hloka'ng?
Ke ea ipitsang Jehova, – Molimo o phelang,

2 O nkisa botaleng, – Lijong tse mphelisang;
O nkalosa linokaneng, – Metsing a nkolisang.

3 Ha ke lahlehile, – O nkgutlisetsa hae;
O nkisa tseleng ea 'nete – Ka lerato la hae.

4 Ha ke se ke feta – Khohlong e lefifi,
Ha nka ke ka tšoha tsela – E chehiloeng lifi

5 Ke tšepa molisa, – Ea lisang ka lesoai;
Ke eena ea tla ntselisa-Ka mohau oa hae,

6 Lira li ka ntlhoea, – Ke sa ja monono;
Mohope oa khaphatseha, – Ke lutse ka thabo.

7 U sa tla mpaballa – le bophelong bona;
'Me ke tla hlola ka mehla- ka tlung ea Morena.