Jehofa kea go opelela

Jehofa, kea go opelela,
gobane o ntse o le yo ‘ busang.
Go pila go go lebogela
masego otlhe a o a mphileng.
O nthute go opela leineng
la ga Krisete Jesu yo ‘ ntshwetseng.

Nkgogela, Rara, go Morwao,
mme Morwa a nkgogele kwa Rareng.
A Mowa o o tswang go wena
o mpuse gotlhe-gotlhe maikutlong;
ke nametsege thata mo pelong,
ke go opelleboitumelong.

Ao, Rara, utlwa merapelo
e ke e rapelang mo difeleng!
A ko o ntlhomogele pelo,
fa ke go obamela mo moweng.
A Mowa o nkgogele kwa o teng,
go go opella ke le baMengeleng.

Ee, Mowa wa ‘go o nkemela
ka diphegelo tse di sa buiweng.
O nthuta go rapela sentle,
o supa, ke le ngwana Modimong.
Mme ke tla rua boswa mo Jesung,
ke bitsa “Abba, Rara” mo pelong.

Fa pelo e ka bua jalo
ka Mowa wa ‘go o ‘ itshepileng,
o ntlhotlheletsa go le kalo,
gone o ntlhomogela pelo teng:
O nnaya tsotlhe tsotlhe bophelong,
tse ke di kopileng mo tumelong.

Ke kopa leineng la ‘ Jesu,
Morapeledi wa me ‘godimong;
ka e le kopo ya Morena,
ke utlwa “Ee” le “Amen” Modimong.
Jaanong ke nametsega mo moweng,
ke tla go baka ka bosafeleng.