Loading...
1. Ho felile, ke lehlohonolo;
Jesu o nchoetse, tšoarelo e teng;
Lithohako tse nkharametsang
Li khutsisitsoe ke Jesu.
O ngoan'eso, hlo u lumele,
Topollo u e amohele;
Sefapanong tšoarelo e teng
Le bophelo bo sa feleng.
2. Ho felile, ke lehlohonolo;
Ke tsoa lintšing tsa lihele tse ntšo,
Ke hloibitsoe tleneng tsa lefu
Ke Jesu, Mong'a topollo.
O ngoan'eso, hlo u lumele, …
3. Ho felile, ke lehlohonolo;
Ana ke mang ea ka nkisang lhotla?
Ke tsekisoe'ng? Jes'o nkemetse;
Ho 'na ha ho sa le tsuo.
O ngoan'eso, hlo u luimele,…
4. Ho felile, ke lehlohonolo;
Ha ke le moratuoa oa Jesu,
Ke sa batla'ng? ke khotsoe pelo,
Ke le fumane lerato.
O, ngoan'eso, hlo u lumele, …
5. Ho felile, ke lehlohonolo;
Leha ke ke phalleloa ke lefatše
Ka meleko, ka litsietsi,
Ke fumane setšabelo.
O ngoan'eso, hlo u lumele, …
6. Ho felile, ke lehlohonolo;
Leholimong le 'na ke tla fihla.
Ha nka ba le Jesu ka mehla,
Ha ho tlotlo le lekalo.
O ngoan'eso, hlo u lumele, …