Haleluya! Moso ono

Haleluya! Moso ono
o monatenate jang!
Rona ba re tsileng kwano
re ba ba itumellang
tshegofatso ‘ e leng teng
mo go rona mo kerkeng.

‘Tsatsi le la go ikhutsa,
‘tsatsi ‘ le lapolosang,
lone le, le phatsimela
ba ba kgobokanelang
merapelo tumelong
le go tlotla Jesu Mong.

Botsalano jwa Morena
re bo utlwa mo pelong,
jaaka monyo o rudisa
‘tlhogi tse di mo nageng;
ke jo bo re thabisang,
ke jo bo re phedisang.

Ke tlogetse ‘tiro tsotlhe
tse di ka kgoreletsang
Jesu Kriste go ntirela,
Kgosi e e nnonotshang
go nna mo kabelanong
ya baMitshepi Lefokong.

Ke eletsa go apara
kobo e e siameng,
ke tshiamo ya ga Kriste,
yona e e tshwanetseng:
Madi a a tsholotsweng
ruri, ke a ‘ ntlhapisang.

Ke bolola ka ipelo
go kgatlhantsha Jesu Krist’.
Ke eletsa go kopanngwa
le yo o nthekolotseng,
le go bona mo moweng
ene yo o nthatileng.

Jesu Kriste, o Morena,
utlwa se ke se kopang,
jwala peo ya Lefoko
mo pelong e ‘ rapelang,
e nne peo e ‘ tlhogang,
e e tla go ungwelang.

A re fetse ‘tsatsi leno,
ka fa re simolotseng.
Nosa o godise peo,
‘Foko ‘ re le utlwileng,
go fitlhella bofelong
go nne Sontag ‘godimong.