Ha ke qala ho phaphama

1. Ha ke qala ho phaphama,
Ntate, e sa le ka meso,
Ke laba-labela uena,
Ke u batla sefahleho.

2. Ke nyoretsoe ho kopana
Le uena, Ntate ea nthatang,
Ke buissane le uena,
Ke utloe see u se buang.

3. Ha ke buile le uena,
Le uena u nkarabetse,
Thabo e tlala ka ho 'na,
Ke tsoha ke matlafetse.

4. Sefahleho sa hao, Ntate,
Se ntalimile se elile;
Ke be le uena ka 'nete,
Monghali, ka mehla eohle!