Loading...-
DitaMolo tse di Lokwalong
ke tsa Modimo ‘godimong,
ke tse o di re neileng
ka Moše teng kwa Sinaing. -
“Ke nna Morena yo ke leng
Modimo osi medimong.
Lo mpoifeng, lo inkanyeng,
se fapogeleng medimong! -
Lo se bitseng metshamekong
leina la Modimo, Rra!
Lo le bitseng mo thapelong,
lo o bakeng, o lebogeng! -
Sontaga mo itshepiseng,
loM ikhutse, lo ye kwa kerkeng;
Lefoko lo le bolokeng, dirang tse di tswang loratong! -
Tlotlang bagolo lefatsheng!
Ba direleng, lo ba utlweng!
Lo tla nna ba ‘ tshegofalang
malatsi a lo a phelang. -
Lo se bolaye bogaleng,
lo se ipusolosetseng,
mme lotlhe lo direlaneng,
ratang ba ba lo tlhoileng! -
Tlotlang lenyalo magaeng,
lo ikanyege loratong;
ilang bonyatsi malapeng,
boaka a bo se nne teng. -
Lo se utsweng, se tsietseng,
lo se patike mo thekong!
Mme rapelang, lo nneng tirong,
lo thuse motho yo ‘ tlhokang! -
Mme fa Io bua, se akeng,
lo supe nnete mo puong;
fa motho a se molatong,
lo mo atlholeleng tshekong! -
Lo se nne ba ba eletsang
tse motho o di ruileng
gongwe mosadi wa yo mong’
le batho ba ‘ mo direlang!” -
DitaMolo tse re di neilweng
di re senola maleong.
Ga se tse di re phedisang,
di re lebisa Jesu Mong. -
Ka moo he a re tshabeleng
go Jesu Kriste yo e leng
Morekolodi molatong,
mme re se wele tshenyegong.
DitaMolo tse di Lokwalong
