Ba bitseng le ba qophelle

1 Ba bitseng, le ba qophelle,
Bahlomphehi le marena;
Se feteng hlotsa, sehole,
Le sona sekhoahlapa!
Ba bitseng, le ba qophelle
Har'a metse le naheng!
Pheellang, ha batleng hohle,
Ba tle bohle moketeng!

2 Ba bitseng, le ba qophelle,
Baholo le maqhekoana,
Ba bacha le ba bohlale,
Ba lithoto le bana!
Ba bitseng, le ba qophelle.
Tsamaeang, se ba kheseng!
Pheellang, ba batleng hohle,
Ba tle bohle moketeng!

3 Ba bitseng, Ie ba qophelle,
Ba malimabe, ba hlorang;
Ba lefifing, ba lahlehang,
Hleka ba ka phela joang?
Ba bitseng, le ba qophelle,
Tsamaeang, le ba lateng;
Tlerolang, ho lumaele,
Ba tle bohle moketeng!

4 Ba bitseng, le ba qophelle
Bahedene ba lichabeng;
Le hleng le ba hauhele,
Ba timella lefifing!
Le liehetse'ng hakale,
Pelo li folile ke'ng?
Tsoang mahae, le ba phallele,
Ba tle bohle moketeng!

5 Ba bitseng, le ba qophelle,
Phakisang, ho feta nako,
Phallang, tumisang kahohle
Litaba tsa topollo!
Tsohle li se li lokile,
Ba biletsoa Moreneng.
Ba lateng, le ba qophelle,
Ba tle bohle moketeng!