Lona ba ratang ho phela

1. Lona ba ratang ho phela
Mohlapeng wa Jesu,
Hopolang tsietsi tsa tsela
E isang ha eso. (bis)

2. Ke 'mila o mosesane
O hakang mawatla,
Le khoro e patisane,
E kenwa ka matla, (bis)

3. Nonyana di na le matlo,
Di dula monateng;
Ha ho moo hlooho ya Jesu
E ka samelwang teng. (bis)

4. Ba reng ba mo sala morao,
Ba itele pele
Ba se ke ba tshaba molao
O thapisang 'mele. (bis)

5. Ba inkele sefapano
Mahetleng a bona;
Ba tle ba shwele dikano
Tsee ba leng ho tsona. (bis)