E, monateng ka Sioneng

1 E, monateng ke Sioneng,
Motse o buswang ke Jesu,
Wa bophelo bo sa feleng;
Motse ona ke ha eso.(bis)

2 Ke moo ho nyakallong botleng;
Ke sediba sa bophelo;
Ke moo hodulwang monateng,
Khanyeng e se nang bofelo.(bis)

3 Ha ho tshoho ho ba keneng.
Ba fumane ho iketla;
Ba ikahetse menyakeng,
Hlohonolong la ka mehla.(bis)

4 Bonang, ba filwe ke Jesu
Diaparo tsa poloko;
Ba tsekema ka bosweo
Ba khabisitswe ka hlweko. (bis)

5 Teng ha ho na bokwenehi,
Ho ithabelwa leratong;
Ha ho sa le bolahlehi;
Ha ho ditaba tse dihlong

6 Ha ho sebe, ha ho lefu,
Teng ke motse wa pholoho,
Ho iketliloe ke batho,
Khotsong e se nang phetoho.(bis)

7 Ke mahodimo a macha,
Kaho ya Jesu le batho.
Fatshe le lecha, la khanya;
Re le thabeleng ka pelo!(bis)