Loading...
7.6.7.6.D
1 Lithabeng le lithoteng,
Ka matlung le kantle,
Hohle Molimo o teng,
O tseba kahohle'
Motho, leh'a rapela
Sephiring sa pelo ,
Molimo oa mo utloa,
O utloa haholo.
2 O haufi le uena
Leha u robetse;
Le bosiu oa bona,
Ha bo mo sirele.
Leha u ea kae le kae,
U nkile leeto,
O u etella pele,
O u sala morao.
3 Ha u ka ba liphateng,
U kulake lefu,
Leha ho se motho teng,
U okoa ka Jesu.
Leha u le melekong,
Le teng ha u 'notši;
Ea mane leholimong
O tletse lefatše.
4 Esita ha u tšela
Molapo oa lefu,
O tla lokisa tsela
E isang ha eno.
Teng, ke hae ha Molimo,
Bophelong ba mehla ;
Joale u ho Molimo,
Oona o ho uena.