Bulang dikgoro dipelong

Bulang dikgoro dipelong,
go tsene yo ‘ galalelang!
Ke Kgosikgolo bareneng,
ke Mopholosi lefatsheng,
yo ‘ ntshang merafe tatlhegong.
Ka moo a re duduetseng:
Go tlotlwe mo bathong
yo o mo romileng!

Ke yo mogolo mo thusong,
mo tshiamong le bonolong.
O nosi fela boitshepong,
o pelonolo mo moweng.
Tlalelo yotlhe e ‘ leng teng
o e khutlisa lefatsheng.
Go tlotlwe yo o tlang,
yo o re pholosang.

Lefatshe le tlhogonno jang,
le busiwang ke Kgosi e!
Mme batho ba lesego jang,
fa e agile dipelong!
Morena yo o thabisang
ke ‘tsatsi le ‘ re tlhabetseng.
Go tlotlwe yo o tlang,
yo o re gomotsang!

Mo tsholeleng mo dipelong,
lo mo direle Tempel teng;
mme bontle jo ‘ e kgabisang
ke mowa o ‘ mo lebellang.
Foo go tla tsena Jesu, Mong,
go lo phedisa dipelong.
Go tlotlwe yo o tlang,
yo o re humisang!

Morena Jesu, tlaa jaanong,
o tsene gona mo pelong
ka kgoro e ‘ go buletsweng,
o b’ o tle ka lorato teng;
re tsamaise mo tseleng
ka Mowa go ya legaeng.
Re ba ba go tlotlang,
Mong yo ‘ galalelang.