Ka ‘tsatsi le re simolola

Ka ‘tsatsi le re simolola
ngwaga o mošwa mo kerkeng,
mme re tshwanetse go gopola
Morena Jesu yo ‘ tsileng
go re lekola lefatsheng,
go re golola mo dibeng.

Re neilwe gape ka lorato
go utlwa Jesu Lefokong;
mme le fa re na le molato,
o sa re bitsa mo therong.
Ee, o re tiisa mo tseleng;
ka moo a re mo lebogeng.

Morena, re a go rapela,
fitlhisa ‘Foko lefatsheng.
Re reteletswe go dumela,
fa re sa tsoswe borokong.
O tletse sona lefatsheng,
go re busetsa botshelong.

Modimo Rara wa ba botlhe
le wena Jesu, yo e leng
Mothusi wa lefatshe lotlhe,
le Mowa o ‘ itshepileng,
yo o leng bongwe borarong,
re go godisa phuthegong.