Baka Morena tlhe mowa wa ka

Baka Morena, tlhe, mowa wa ka!
O mmake go ya kwa losong!
Ke tla mo tlotla malatsi otlhe,
ke sa ntse ke le yo ‘ tshelang,
yo ‘ mphang botshelo lefatsheng;
a ‘ bakwe ka bosakhutleng.
Haleluya, Haleluya!

Kgosi e tshwana le batho botlhe;
e tla boela leroleng.
T iro tsa yona di fela tsotlhe,
fa e tlosiwa lefatsheng.
Ka go se yo ‘ ka re thusang,
re batla thuso Modimong.
Haleluya, Haleluya!

Ruri go sego yo thuso ya ‘gwe
e leng Modimo wa ‘ Jakob,
yo o sa kgaoganeng le ona,
a itshwarella mo Kristeng.
Ke mang yo o tla thusiwang?
Ke ene yo o dumelang.
Haleluya, Haleluya!

O ne wa tlhola lefatshe lotlhe
le dilo tsotlhe tse di teng.
Tsotlhe di tla re dirafalela
tse o di solofeditseng.
Ke ona Mmusi lefatsheng,
ke ona o ‘ ikanyegang.
Haleluya, Haleluya!

Ona o siamisetsa botlhe
ba ba siamololetsweng.
Bahumanegi le batlalelwi
o ba kgorisa mo tlaleng.
Mme ba ba bofilweng dibeng
o ba funolla dikgoleng.
Haleluya, Haleluya!

Ee, le difofu oa di bonisa,
mme bone ba ‘ gateletsweng
le bone o ntse o ba godisa,
fa e le ba ba dumelang.
Mme o tlamela le baeng
le dikhutsana mo tlaleng.
Haleluya, Haleluya!

Gape dikgato tsa batenegi
o di thibela mo tseleng,
gore lemena, fa ba le epa,
go wele bone ka mo teng.
Ke ona Kgosi merafeng.
Bakriste,tlaang, itumeleng!
Haleluya, Haleluya!

Batho, lo bake yo ‘ leng mogolo,
yo o re gakgamaditseng.
Tsotlhe di tiise ka go re: Amen!
Di mo tumise mo pakong.
Lona ba gagwe, lebogang
yo o leng bongwe borarong!
Haleluya, Haleluya!