Godisang Morena

Godisang Morena,
lona baditšhaba,
mo itumelleng gagolo!
Ineeleng Morena
ka go mo dumela;
lo tle, lo ntse lo opela.
Mo lebeng,
mo itseng,
Mong wa batho botlhe,
yo o busang tsotlhe.

Direlang Morena
ka boitumelo,
lo mo tlotle ka tshwanelo.
Tlaang fa go Morena,
lo mo obamele,
lo rapele ka dipelo.
Khubamang,
lebisang
pelo kwa go ena;
gonne ke Morena.

Dumelang Morena,
ke Modimo Rara,
yo o re dirileng bana.
Ga re ba yo mongwe,
re ba gagwe fela,
yo o re fileng go tshela.
Tumelong,
Lefokong
re nna dinku tsa ‘gwe
bofulong jwa gagwe.

Tsenang ka tebogo
ka dikgoro tsa ‘gwe,
lo bonale fa go ene.
Tsenang ka bonako
Tempeleng ya gagwe
ka tumelo le ka pako.
Lebogang,
tumisang
leMina la ‘gwe thata;
gonne oa lo rata.