Fa nkabo ke na le melomo

1. Fa nkabo ke na le melomo
   e mentsi e e sa balweng,
   foo nkabo ke opella ruri
   difela tse di obakang,
   Modimo o o nthatileng
   ka ntlha ‘ tse o di ntiretseng.

2. Lona ditlhare ka dikala,
   opang diatla, opelang!
   Majang a naga a matala,
   dišeše tse di mo nageng,
   tsogang lo nthuse mo pakong,
   re tlotle Rara ‘godimong!

3.Modimo Rara, kea go baka,
ka o ntse o le yo ‘ nthatang,
ka o nthusitse ka dipaka
tse tsotlhe mo dipogisong;
o intshwaretse mo pelong,
ka ke ne ke le molatong.

1. Le wena ke a go leboga,
   Modimo Morwa yo ‘ ntshwetseng.
   Ka madi a ‘go go phimoga
   melato ya ka e ‘ ntshentseng.
   Ke gone Satan a tlhokang,
   ka fa a ka ntatofatsang.

2. Le wena Mowa wa pholoso,
   re go leboga mo kerkeng;
   o re gomotsa ka mafoko
   a Beibel a a tshedisang.
   Re bileditswe tumelong,
   re tle re fitlhe botshelong.

3. Ke bonye thuso mo go wena
   ka metlha yotlhe bophelong.
   Ka nnete, Kgosi, o mphemela
   ka thata yotlhe botlhokong;
   o ntisa le mo dipakeng,
   mogang ke leng pharagobeng.

4. Ke tla tswelela goM itumela,
   le fa ke boga botlhokong.
   E bile ke go opelela
   difela ke le tlalelong;
   ka gonne mo matshwenyegong
   ke itshwarella Modimong.

5. Ka pelo ke tla IebogeIa
   tlamelo ya ‘go lefatsheng.
   E bile ke go opelela
   ka ntlha ya tse o di mphileng.
   Mme fa ke pallwa mo losong,
   ke tla go baka phegelong.

6. A ko ‘ se nnyatse, Kgosi ya me,
   fa ke go baka bokoeng.
   Ke tla go baka ka botlalo,
   fa ke le kwa baengeleng.
   Ke tla nna yo o opelang
   dipako tse di go kgatlhang