Loading...-
A re tsogeng, re opeleng
ga Jesu yo o re swetseng!
A batho botlhe phuthegong
ba mmake thata bophelong. -
Le gona a re opeleng
ga ‘rato lo ‘ mo tsisitseng
go swela batho s’fapaanong,
go ba golola mo petsong. -
Le gona a re opeleng
ga tsogo ya ‘gwe mo phupung,
Morapeledi ‘godimong
wa ba ba golotsweng losong. -
Le gona a re opeleng,
re itumele mo tseleng,
ka re tla fitlha ‘godimong,
re sena go tswa tatlhegong. -
Re tla opela ‘godimong
le bontsi jo bo leseding,
ka tuduetso phuthegong
ga Kwana e r’ e tlhabetsweng.
A re tsogeng re opeleng
