Ke bitsa ke le tlalelong

Ke bitsa ke le tlalelong,
Morena, a ko ‘ ntheetse!
O ntshekegele tsebe, Mong,
o nthuse, ka o ntshwetse!
Fa o le yo ‘ tlhotlhomisang
maleo a a dirilweng,
go kgona mang go ema?

Modimo, se o se ratang
ke go re itshwarela.
Ditiro tse re di dirang
ga di re siamise.
Ga go na yo ‘ ka ipokang,
ka moo re ba ‘ go boifang,
re Ilela boitshwarelo.

Ke solofela Modimong,
ga ke ikanye tsa me;
ke itshwarella mo Kristeng
le go ikanya ene.
O bua le nna Lefokong,
ke ene yo o nkgomotsang
kajeno le ka gale.

Le fa ke le yo ‘ imelwang
malatsi a maleele,
ga ke yo o belaelang
dithuso tsa Modimo.
Moisraele yo ‘ tsetsweng
ke Mowa, a le mo Kristeng,
o lebeletse jalo.

Maleo a a atileng
a kana ka dithaba,
Modimo o ‘ itshwarelang
o a okame otlhe.
Ke ona osi o ‘ disang,
ke ona o ‘ re gololang
dibeng tsa rona tsotlhe.