Leeba la lehodimo

1 Leeba la lehodimo,
Tlo , o re tsosetse matla;
Kenya rato la Modimo
Pelong tse hanang ka mehla.

2 Re sa chehwa ke lefela
Re sa khasetsa leroleng;
Re sa sitwa ho fihlela
Nyakallo e sa fetoheng.

3 Re tswatswa re batla poko,
Poko ya pelo e chesang,
Re mpa re swaba ke tlhoko;
Tsietsi ke nama e thetsang.

4 Na ho ka thoe re sa phela,
Ha re tepella hakalo?
Tumelo e s'e ya fela,
Ha e fetoha makalo.

5 Leeba le bopang moya,
U re alame ka mohau;
Ba o siileng, re re: Boya!
bowela madinyaneng a hao.