Jesu o tsohile bafung, Alleluya

8.9.8.9.

1 Jesu o tsohile bafung! (bis)
Alleluya! Satan'o fentswe!
Mohale a hlaha bathong
Ho lopolla ba neng ba hlotswe.

2 Le kae lerumo la lefu? (bis)
Monamodi o le robile.
Mo-re-lefella-melato
A tswa mobung, a o rahile.

3 Lebitla, ho hlola ha hao (bis)
Ke hofe na? o se o hlotswe;
Se teng jwale ke mohau
O beelwang ba neng ba tsoiloe.

4 'Mele o jalwa sesileng (bis)
O mpa o tla tsoha letlotlong,
O phele ka ho sa feleng
Leseding le lehlohonolong.

5 Re ikhothatseng hona moo, (bis)
Ka ho tshepa Moren'a heso;
Re buletswe lehodimo,
Re lebelleng tsoso ya Jesu