(24 rating, 6 votes)
Loading...
1 Re bahlanka ba hao ba bokhabane
Re laele, re tla utloa, Jesu;
Lintoa tsa hao tsa mali re li loane,
Re sa tšabe maqeba le lefu!
Ho isa lefung! Ke ntsoe la boitlamo
Ke kano ea sechaba sa 'nete!
Sefapano ke seboko sa rona,
Re se jara ka thabo, o Kreste.
2 Tsela tsohle li monate le uena,
Leha li ea bohlokong le lefung;
Re ke ke ra lesa ho u latela,
Uena ea re shoetseng sefapanong.
Ho isa lefung! …
3 Matla a rona ke phokolo fela:
Ruri tseleng, re tla oa haholo.
Ha u sa tle he re tsosetsa matla
Le ho re nenesa ka letsoho
Ho isa lefung! …
4 Moea oa hao, Jesu, o halaletse,
O kopanye lipelo tsa rona,
Lintoeng tsa hao tsa ho hlola lefatše,
Sebe, lefu le matla a tsona.
Ho isa lefung! …