Loading...
1 O Molimo, re hloreha hakaakang,
Fatšeng lena ke la mahlomola,
Ke boliba ba lilo tse babang,
Ka matsatsi pelo lia babasela.
'Me joale, qetellong ea motšoenyeho,
Ke lefu, moren'a matšabeho
2 Ha u bona re tšerehane pelo,
Re tsukutloa ke litsokotsane,
Tlo, Jesu, re utloele bohloko!
Re tšelise, Morena ea khabane,
U laele, lifefo li tla fela;
Har'a lillo, khotso e tla hlaha.
3 Leha maru, meholi ea meokho
E thibane, 'me e re fifatsa,
Chabisa mechaeli ea khotso
Lipelong tse ntšo; lia u lakatsa;
Le poboling hlahisa tsa nyakallo,
Le tetemong, matla a tumelo!
4 A u bokoe, Molimo, Ntat'a rona;
U mohau, u re hauhetse.
U re bone har'a boliba boo,
U phaletse, 'me u re tšelisitse.
Re moloa ke pallo tsa lerato,
Re hlapisoa hlekeng sa tumelo.