(35 rating, 9 votes)
Loading...
1. Jo, lefifi le lekaang,
Le aparetseng lefatše!
Jo, botšo bo hlomolisang!
Le tla chaba neng letsatsi?
2. Naleli e ntle ea meso,
Hlaha, khaola lefifi!
Re lebeletse ka tšepo
Ho ela ha mechaeli.
3. Oho, tsatsi la ho loka,
Ke nako, thuntša mafube;
Chaba fatšeng la Afrika,
Fatše la bomalimabe!
4. Hasa, hasa phatlalatsa
Seli la hao le molemo;
Phatsima, benya, phaphama,
Tsatsi le letle la Ntate!
5. Felisa riti tse lihlong,
Mekhoa, bosoro le mali;
Ho lokolloe ba litlamong,
Baatho ba khotšeng masoabi!
6. Liphahama li nyakalle
Ke uena, moathameleng;
Le likhohlo li binele
Leseli le li fihletseng!
7. Aparela ngalo tsohle
Ka khanya le ka mohau;
Kahohle ho utloahale
Thoko tsa 'Moloki Jesu.