Na ke ntho e ka u khahlang

1. Na ke ntho e ka u khahlang,
sehlabelo sa molibe?
Na ha se se hahlamelang,
Se monkho o nkhang, o mobe?

2. Leha u sa talimane
Le bokhopo, le litšila,
O, Monghali ea khabane,
Se nkhane ha ke rapela!

3. E, pel'a hao ke lefela,
Ke mpa ke lelatsa mahlo
Ka baka la Jesu fela,
Ka tšepo le ka tumelo.

4. Ke ea tlotlehang ho uena,
O u khahlisitse pelo;
O, u nkhauhele le 'na,
Ntate, ka baka la Jesu.

5. Ho bebenya ho ilehang
Ha pelo ea mohlomohi,
A e be ntho e u khahlang
Ka baka la Montopolli!

6. Tsa ka tsohle li ho uena;
U nkutloe ka eena Jesu;
Pel'a hao ke koeletane,
Ke khamiloe, ke semumu.