Loading...
1 Jo, ho lefifi ntate,| 'me maru
A thibane hohle, a le matšo!
A | nts'a luma; |jo, ho tla sefefo!
Rare, u 'nenese ka | letsoho;
Ke lahlehile, nkise hae,
Nkise hae, nkise hae;
Ke 'na ngoana oa hao!
2 Le ipatile, ntate,| letsatsi;
Ke mong, ke tšohile ke tsietsi;
Ho | tetema | tšepo le tumelo.
Rare, u 'nenese ka | letsoho;
Oho, u nkise leseling,
Leseling, leseling;
Ke 'na ngoana oa hao!
3 Tsela e hole, ntate, | e hole;
Jo, ke khathetse, ke tenehile!
Nka | fihla neng, |ke bone phomolo?
Rare, u 'nenese ka | letsoho;
Oho, u nkise phomolong;
Phomolong, phomolong;
Ke 'na ngoana oa hao!
4 Tsela e thata ntate, | e thata;
E majoe a khopang, e meutloa.
Ke | se ke le | maqeba le lillo;
Rare, u 'nenese ka | letsoho;
Oho, u nkise monateng,
Monateng, monateng;
Ke 'na ngoana oa hao!
5 Jo sefapano Ntate, | le sona
Se bohloko-hloko, sea nkimela!
Ke | se jere, | leha ho le joalo;
Rare, u 'nenese ka | letsoho;
Ntšelise, nkise nyakallong,
Nyakallong, nyakallong;
Ke 'na ngoana oa hao!
6 Se fele pelo Ntate,| ha ke lla,
U sebete, u ntsose molota,
Le- | holimong, | ke habe ka thabo
Rare, u 'nenese ka | letsoho;
Ke hlolohetsoe, nkise hae,
Nkise hae, nkise hae;
Ke 'na ngoana oa hao!