Loading...
7.6.7.6.D.
1 Phumola likhororo,
U k'u ntše letšoea;
U lelale ka tšepo,
Ngoana oa morena.
Tsatsi leha le chesa,
U le matsoabali,
Bona he, ho phomola
Ho s'o le haufi.
2 U iqethe likhapha,
Moratuoa oa Jesu;
U se ke ua tepella,
Ua ntšofala pelo.
Leha u le hlorehong,
U tsohe molota,
Haufi, leholimong,
U s'u ea phomola.
3 U hlakole lerole,
Ikhahle ka matla;
Tiisetsa hanyenyane,
Ntoa e se e ea fela.
Ha u le mehoabali
Le maqeba-qeba,
Ho morena, haufi
U s'u ea phomola
4 Hloboha mokhathala,
Beeha ka thabo,
U se u ea phomola,
Ngoana oa hloreho.
Likhororo, lerole,
Mali, le bohloko,
A li lebaloe tsohle
Sefubeng sa Jesu!