Loading...
8.7.8.7.D.
1. Litaba tse u imelang – Tsohle, life le life,
Ho Morena ea u ratang l- Li khofele kapele!
Ha u patetsoe ke lillo, – U ferekane pelo,
Masoabi, lipelaelo, – Li rolele ho Jesu!
2. Ho lehlohonolo uena, – Ha u ratoa hakalo,
U ratana le Morena, – Jesu, Mor'a Molimo.
E, o ikentse ngoan'eno, – Molisa ea u lisang,
E, le motsoalle ao pelo, – Oa mehla, ea tšepehang.
3. U 'muise ka thapelo – Lekunutung le eena,
U se mo lobele letho, – Motsoalle oa Morena!
Ha u phatloha sefuba – Taba li u pitlile,
U re u feheloa fela, – Jesu o'a utloile.
4. Ha u le makaqabetsing, – Puo e le likhapha,
Jesu o haufi le teng – O se a u araba,
A u fa khotso ka pelong, – E fetang mehopolo;
A u Kenya le molomong – Lipina tsa nyakallo.