Loading...
12.8.12.8.D.
1. Jo, khalefo ea MOlimo e befile,
E benya, e thetheretsa!
Jo, leholimo le tuka ke bohale,
Jo, sefefo sa litlepetsa!
Le tla tšabela kae, baetsalibe,
Ha ho tšabeha hakana?
O, tšabelang ho Jesu kapele:
Jesu ke khotso ea rona.
2. Inamolohang, le lelale ka tšepo,
Fefo se se se ea khutsa:
Sefapanong, khohola tsa lithohako
Li tšoloha, li phuthumetsa.
Baetsalibe, le khobe matšoafo,
Boning 'Moloki oa lona;
Elang pelo, bohang seefapano:
Jesu ke khotso ea rona.
3. Sefahleho sa Molimo se elile,
'Me se benya ke lerato.
Le shoetsoe ke Jesu, lona, le phelile:
Ho lona ha ho sa le tsuo.
Baetsalibe, thabang, le lumele;
Ratang 'Moloki oa lona!
Jesu, Mor'a Molimo sebele:
Jesu ke khotso ea rona.
4. E, ka 'nete Jesu ke khotso ea rona;
Taba tsohle li monate;
Le ka hlaha khotla ka tšepo le lona,
Molimo le ka 'mitsa Ntate.
Baetsalibe, bana b topollo,
Se lobeng letlotlo lena;
Tumisang kahohle ka nyakallo:
Jesu ke khotso ea rona.