Loading...
15.15.15.15.
1. Ho phela ho Morena oa ka, lekunutung la hae,
Ho rutoa ke eena Jesu ke le maotong a hae,
Ha ho lehlohonolo le kang leo, ha ke bona,
La ho utloa hoba Jesu ke lintho tsohle ho 'na.
2. Moe'a ka ha o tepeletse ke lipelaelo,
Ke khathalitsoe ke ntoa e sa khaotseng ea tumelo,
Kea mo utloa a nkhothatsa, tsebeng e 'nyenyeletsa
Tse ntšepisang, tse monate, tse se nang ho boleloa.
3. 'Na ke 'molella tsohle tse ntsietsang, tse ntšoabisang.
O mamela tsohle ka sebete se sa ntatiseng,
E le motsoalle ho 'na le ka ho senola libe
Tsa ka tsee a li boning, a ratang hoba li fele.
4. Hoja nka 'na ka phela le Jesu ka mokhoa ona,
Ke ne ke tla 'ne ke fetohe ea tšoanang le eena,
Ka khalalelo, ka boineelo le boitelo,
Ka thabo le ka khotso, haholo le ka lerato.