Ana ke ntho e ka etsoang

1 Ana ke ntho e ka etsoang,
Ke be le lihlong ka uena.
Ka uena, Jesu ea bokoang
Hakaakale ke bakhethoa?

2 Nka ba lihlong ka uena joang?
Jesu, u nkhapile le pelo!
Ha ho eo nka mo tšepang;
Ke kholoa ke uena Jesu.

3 Ke ne ke le molahlehi,
Empa ha ua ka ua nqena;
'ME ha u nchoetse, 'Moloki,
Nka ba lihlong joang ka uena?

4 Ke ateloa ke meleko,
Kea lla, 'me kea ngongoreha.
Ha u ntahle, u mpha khorso,
Nka ba lihlong joang ka uena?

5 Che, nka nyefoloa , ka iloa,
Empa hase letho ho 'na;
Ha ke le mohauheloa,
Nka ba lihlonh joang ka uena?

6 Bitso la hao, Moren'a ka,
Ho 'na ke thoali, ke khabo;
Ho le paka, ho le roka,
Ha ho thoriso e kalo.

7 Jesu, Mong'a ka, u nthute,
Pelong u khofe bokoala,
Ke u rorise ka 'nete
Bathong, sephiring, ka mehla.