Menu Close
1 Star2 Stars3 Stars4 Stars5 Stars (2 rating, 1 votes)
Loading...

Ku khongela ka Nandziha

1 Ku khongela ka nandziha,
Ka ndzi nyika matimba;
Ndzi vulavula na Hosi,
Na yona ya hlamula.

E xihundleni xa mikhongelo,
Ndzi vonana na Yesu,
Wa tshinelela,wa ndzi rhulisa,
Mbilu yi twa ku hisa.

2 E mikhongelwen'ndza dyondza
Ku tiva Yesu wa nga,
Ndza n'wi nkhensa,ndza n'wi vonga,
Ndzi n'wi tlangela yena.

3 E mikhongelwen'ndza tima
Torha ra mbilu ya nga,
Ndzi nwa mati ya vutomi
Xihlobyeni xa Yesu.

4 E mikhongelwen'ndza kuma
Matimba ya vunhenha,
Hosi ya susa vutoya,
Ndzi va mboni ya yona.

5 E mikhongelwen'ndza hlula
Nyimpi ya yena nala,
Satana wa rhurhumela
Loko ku khongeriwa.

6 Ku khongela i nfanelo,
A ndzi nga ha rhuteri,
Ndzi hanya hi mikhongelo,
I vutomi bya mina.

7 Wena Moya wo kwetsima,
Mukhongeleri wa nga,
Ndzi dyodzise ku khongela
Ni ku swi tolovela.

Ku khongela ka Nandziha