Go atametse Kgosi

Go atametse Kgosi,
tlaang re e kgatlhantsheng!
Ke yona Mopholosi
wa ba ba lefatsheng.
Bakriste, opellang
Morena Hosiana,
lo khubamele ena,
lo bake yo o tlang!

Ee, lona babobodi,
tlaang lo itumeleng!
Go tlile Mogolodi,
yo o lo ntshang dibeng;
lo mo amogeleng,
o tsile ka dineo,
o naya boitshwarelo
ba ba latlhegileng.

Lo nanogeng, batlhoki,
mme lo se boifeng;
ka re na le Mmoloki,
go ka nna kotsi jang?
Re ka tswa tlalelong,
o a re tshegofatsa,
o bile o gomotsa,
o re ntsha mo losong.

Tlaang, lona balatlhegi,
tlaang lo ikwatlhaeng!
Le lona batenegi,
boang, lo se tseneng
losong le moleteng!
Tlaang tlhe, lo a bidiwa,
mme lotlhe lo tla fiwa
boitshwarelo teng.

Mme fa re latlhegelwa
ke dilo lefatsheng,
ka ene re tla newa
tse di sa senyegeng.
Mong yo o phedisang
ka dijo batho botlhe
le tse di phelang tsotlhe,
ga se yo ‘ lebalang.

Tlaang lotlhe, tsholang Kgosi;
tlaang itlhaganeleng!
Lo se ka Iwa mo gana
yo o lapolosang!
Ao, lo diegetseng?
Morena wa bonolo
o tsisa thekololo
go ba ba mo dibeng.