Menu Close
1 Star2 Stars3 Stars4 Stars5 Stars (No Ratings Yet)
Loading...

Yesu wa vhuthu Muhanyisi washu

1.Yesu wa vhuthu,Muhanyisi washu,
Mu-lila-vhathu, hee Muvhuya washu!
Vha tshi U lata, mulandu ndi mini?
Wo tshinya lini?

2.Khare ya mipfa i thohoni yau,
Vho pfela mare na khofheni hau,
Vho U ombela,wa fa U thandani;
Zwo vhifha hani!

3.Tshe tsha U vhangela vhutungu hau
Ndi zwivhi zwanga,thamu dza vha dzau;
Tshe tsha vha tsho nyedana,wo mpilela
Nga u' wa mpfela.

4.Mathupho au a a kanukisa
Hu tshi pfi zwivhi zwashu zwo U rwisa,
Khosi yo lifhela vhalanda vhayo
Nga lufu lwayo.

5.Hu fa Muvhuya o lugaho tshothe,
Ha tshila muvhi o tshinyaho hothe.
Ha vhoxwa Yesu, muthu a hangwelwa,
A khathutshelwa.

6. Yesu wa vhuthu, wo ri funa hani!
Vhuthu vhungafha ro vhu wana nga'ni?
Wo fela vhathu vha faho nga zwivhi,
Vha sa U divhi.

7.Ri U livhuha zwe wa ri itela
U tshi ri tambulela wa ri fela,
Ri a U khoda nga dzingosha dzashu,
Mutshidzi washu!

8.Ri U livhuha nga u U tevhela,
Nga u U tenda, ri tshi U shumela,
Nga u vha vhau misi yothe-yothe
Nga mbilu dzothe.

9. Tshone tshihulu tshine ra humbela.
Ri fhe lutendo na u fulufhela.
Ri tshile ri sa hangwi lufu lwau,
Ri fe ri vhau.

10. Ri vuwe ri yo tshila phanda hau
Na vho tambaho nga malofha au;
Ri U livhuhe zwe wa ri itela
U tshi ri fela.

Yesu wa vhuthu Muhanyisi washu