Menu Close
1 Star2 Stars3 Stars4 Stars5 Stars (5 rating, 1 votes)
Loading...

Yesu e Xihambanweni

Yesu exihambanweni ndzi ku
vona kona,
Lomu u yeke ku feni U rhwele
swidyoho.
Yesu wa nga, Yesu wa nga,
U ndzi kutsurile;
A u na swo swivi, wena, U ndzi
fela mina.

2 Ndzi yima xihambanweni,
Xa ndzi hlamarisa;
Rirhandzu ra ku ri kulu,
Ha! ri ndzi hlurile.
M'feri wa nga, M'feri wa nga,
Ndzi vona timbanga
Emavokwen' nemilengen'
Ya mhamba ya mina.

3 Ndzi kuma xihambanweni
Ku rivaleriwa,
Ngati ya Yesu yi hlantswa swidyoho
swa mina.
Muponisi, Mukutsuri,
U ndzi londzovota,
U ndzi rhulisa, ndza tsaka
Rirhandzweni ra wena.

4 Kusuhi ni xihambano ndzi lava
ku tshama,
Ndzi vambiwe ka misava.
Ndzi hanyela wena.
Hosi ya nga, Hosi ya nga,
Mukutsur' i wena;
Mina ndzi tinyiketile ndzi wa
wena ntsena.

Yesu e Xihambanweni