Wa nkalosa, ho ntekane

1. wa nkalosa: ho ntekane;
Tisong ya hae ke ya phela.
Ka mosa, ka bokhabane,
Jesu o nts'a ntlhokomela.
E, e, Jesu ka sebele
O 'nenesa ka letsoho;
Ke een'a nketellang pele,
Ya nkalosang ka lerato.

2. wa nkalosa: na nka tshaba'ng,
Ke belaele ka dife,
Ha modisa ya nkalosang
A le molemo hakale?
E, e, Jesu ka sebele …

3. wa nkalosa: taba tsa me
Ke een'a di tsebisisang;
Nka tsielwa, ke sa bone,
Empa ke een'a nkalosang.
E, e, Jesu ka sebele …

4. wa nkalosa: ha se motho
Ya robalang, a lebale;
Motsheare le bosiu,
O ntisa a ntadimile.
E, e, Jesu ka sebele …

5. wa nkalosa ka sebete,
Ha ke le ntho e sarelwang,
A ntsose, a ntlheke butle
Ka paballo e makatsang.
E, e, Jesu ka sebele …

6. wa nkalosa: ho ntekane;
Ha a khaohane le 'na.
O tla ntshedisa Jordane,
A mphihlise hae, Kanana.
E, e, Jesu ka sebele …

7. 'Me didibeng tsa bophelo,
Menyakeng e sa boleloeng,
Ya tla ntisa ka lerato
Ke eena ka ho sa feleng.
E, e, Jesu ka sebele …